فراموش کردم
اعضای انجمن(291) نحوه ارسال مطلب نظرات انجمن
جستجوی انجمن
بهزاد زالی (BehzadElyar )    

مجازی دونیادا شخصیت لره آلدانمایاق! - بهزاد زالی

درج شده در تاریخ ۹۲/۰۶/۲۷ ساعت 00:30 بازدید کل: 354 بازدید امروز: 1 8 می‌پسندم  
 

اولو تانرینین آدی ایله

اینترنت و اجتماعی شبکه لری عصریمیزین بؤیوک انقلابلاریندان بیری آدلاندیرماق یئرسیز دئییل. آنجاق نه قدر بو یئنی تکنولوژی لر بشرین قوللوغوندادیرسا آگاه اولمایان استفاده چی لره بیر او قدر ده تهلوکه لی اولابیلر. بو یازیدا یئنی تکنولوژی لرین مثبت و منفی جنبه لریندن سؤز آچماق نییتینده دئییلم. ساده جه مجازی دونیا و اجتماعی شبکه لرده حقیقی انسانلارین قازاندیغی کاذب کاریزمالار و شخصیت لر سؤز قونوسودور.

هرکس بوردا گؤزل-گؤزل سؤزلر یازا بیلر. هرکس بوردا روشنفکر ژئستی توتاراق حددیندن ( سایزیندان! ) آرتیق سؤزلر دانیشا بیلر. دئمک بوردا هامییا ، اؤز فیکیرلرینی ، بوتون خصوصیت لرینی ، جنسیتینی بیله باشقا جور گؤسترمه یه ایمکان وار! بئله لیکله گرچک شخصیتلری تانیماق دوشوندویوموز قدر ده آسان اولمایاجاقدیر!

مجازی دونیادا تانیش اولدوغوموز شخصین آنلاغی ، دوشونجه سی ، رفتاری ، درک وشعورو حقیقی دونیادا اولان شخصیتی ایله 180 درجه فرقلی اولابیلر. بیر سیرا استفاده چی لر بونلاری نظرده آلمایاراق مجازی ارتباط لارینی گئنیشله ندیریب احساسی دوستلوقلارا چئویریرلر.

بوتون روانشناسی عالیم لری ده مجازی ارتباط لارین احساسی دوستلوقلارا چئویریلمه سینین تهلوکه لی اولدوغونو وورغولاییرلار. تأسسوفله بعضی زامانلار مجازی دونیا ، بیزلرده اولان حجب و حیانین و معنوی ده یرلرین آزالماسینا سبب اولور...

مجازی ارتباط لارین قورولوشو گرچک اساس لارلا دئییل. بو اوزدن بیر عیدده لر اؤزلرینی مقدس ، پاک و ایرادسیز بیر شخصیت کیمی تانیتماق ایسته ییرلر. او ایسه بو شخصیت ، گرچک شخصیتین تام ترسینه اولابیلر!

عمومییتده هر کسین وب صفحه سینه و اونون مطلبلرینه باخدیغیمیزدا ، ذهنمیزده اونا بیر شخصیت ( مثلا قورخماز ، دوشونجه لی ، تعصوبلو ، غرورلو ، مهربان و... ) تصور ائدیریک. بو ذهنیمیزده یاراتدیغیمیز شخصیتی نظرده آلاراق مجازی ارتباطیمیزی داوام ائدیرسک... بیرآن دوشونون باری! طرفین گرچک شخصیتی بوردا دوشوندویوموزکیمی دئییل ایمیش. ان آزی قیسا مدت اولسا بیله روحی- روانی باسقی لارلا یاشایاجاغیق!

این مطلب توسط مهدی عزیزی بررسی شده است. تاریخ تایید: ۹۲/۰۶/۲۷ - ۱۴:۲۲

1
1


لوگین شوید تا بتوانید نظر درج کنید. اگر ثبت نام نکرده اید. ثبت نام کنید تا بتوانید لوگین شوید و علاوه بر آن شما نیز بتوانید مطالب خودتان را در سایت قرار دهید.
فراموش کردم
ســاقــی بـی دســـت دسـتـمـــ را بــگیـر به سر شوق رهایی نیست هیئت سکولار نداریم فیزیوتراپی ولیزردرمانی توانا-با17سال سابقه فیزیوتراپی-فیزیوتراپیست وکارشناس ارشد آسیب های ورزشی وحرکات اصلاحی اطلاع رسانی استخدام وزارت نیرو سال ۹۳ ( ثبت نام از 10 آبان در چاپ محسن ) پان ترکیسم و پان آذریسم (قسمت اول) رفیق امام زمان (عج) رو دوست داری؟ افتتاح باشگاه جدید برای آقایان و بانوان در میدان آزادی میانه+عکس شهرمرزی سرو